தமிழ்நாட்டில் இன்று 30,580 பேருக்கு கொரோனா தொற்று கண்டறியப்பட்டது. நேற்றை விட பாதிப்பு சற்று குறைந்துள்ளது.
தமிழகத்தில் கொரோனா பாதிப்பு இன்று சற்று குறைந்துள்ளது. தமிழகத்தில் இன்றைய கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு: தமிழகத்தில் மேலும் 30,580- பேருக்கு கொரோனா வைரஸ் தொற்று உறுதி செய்யப்பட்டுள்ளது.
மாநிலத்தில் இதுவரை கொரோனா உறுதி செய்யப்பட்டவர்கள் எண்ணிக்கை 31 லட்சத்து 33 ஆயிரத்து 990- ஆக உயர்ந்துள்ளது.
கொரோனா பாதிப்பில் இருந்து இன்று குணம் அடைந்தவர்கள் எண்ணிக்கை 24,283-ஆக உயர்ந்துள்ளது. கொரோனா பாதிப்பால் இன்று ஒரே நாளில் 40 பேர் உயிரிழந்துள்ளனர். கொரோனா தொற்று பாதிப்பைக் கண்டறிய மேலும் 1 லட்சத்து 57 ஆயிரத்து 732 மாதிரிகள் பரிசோதனை செய்யப்பட்டுள்ளன. சென்னையில் மேலும் 6,383- பேருக்கு கொரோனா தொற்று உறுதி செய்யப்பட்டுள்ளது.
